♻️👗綠色潮流時裝節💃💚

隨著網購普及同潮流轉變迅速，時尚服飾彷彿成為用完即棄嘅消耗品。你有冇試過因折扣優惠而衝動購物? 🛍️ 有冇衫褲只係著過幾次就被遺忘咗喺衣櫃深處？🤯 服裝生產過程需要消耗大量水資源，加工過程亦會使用化學染料，釋放大量溫室氣體，所以呢種「買得快、棄得快」嘅消費模式，其實對地球造成咗沉重嘅負擔。⚠️

今個8月份﹐我哋綠在屯門♻️ 為大家準備咗一連兩日，以「速食時裝」作主題嘅嘉年華 #綠色潮流時裝節 🎪，同大家一齊深入探討 #速食時裝 對環境嘅影響🌏，藉此希望大家改變以往嘅消費習慣 🛒，探索綠色時尚嘅無限可能💚

當日嘉年華活動十分豐富，除了 #免費二手市集 📚 及 #尋牛記🐮，仲準備咗攤位遊戲🎯 等大家挑戰，當然唔少得一向好受大家歡迎嘅環保工作坊，教大家將舊衣升級再造，DIY成實用小物 👜，等大家一齊珍惜現有資源，實踐零浪費生活！另外，千祈唔好錯過 #舊衣再生時裝展 🖼️，由 #屯義工坊 義工們 將舊衣重新設計，透過剪裁✂️ 及 拼貼🩹，搖身一變成為獨一無二嘅新時尚單品👗，環保與潮流美感並存，打破「著新衣，棄舊衣」嘅循環👍

告別「速食時裝」，擁抱永續時尚新生活💚♻️

🌟「上一堂．儲一分」積分計劃詳情：https://shorturl.at/hCd2N

📣📣 小編喺度提提你，而家參加嘉年華仲可以儲分換禮物㗎‼️ 只要於一場嘉年華中參與最少兩項活動；或於一場二手物收集活動中提交不少於2公斤二手物，並即場與當值職員完成登記，即可獲得1分「額外賞」積分✨ 每階段累積滿2分「額外賞」積分，即可換領禮品❣️

*每階段需要儲滿至少3分「基本獎勵」積分後，先可以解鎖「額外賞」獎勵

快啲Mark低以下日子✍，玩完仲可以儲分換禮物添🥳，到時見喇！😉

♻️👘綠色潮流時裝節💃💚
📅日期：2️⃣0️⃣2️⃣6️⃣年8️⃣月2️⃣9️⃣日(星期六)及8️⃣月3️⃣0️⃣日(星期日)

⏲時間：11:00-17:00

📍地點：「綠在屯門」屯門龍澤路5號（鄰近龍門居巴士總站）

🎈活動：舊衣再生時裝展、環保工作坊、免費二手物市集、攤位遊戲及「尋牛記」特別活動

所有資料以主辦單位最新公告為準，敬請留意。