今個新春我地帶埋孖寶第一次遠征, 算係正式行山啦, 之前個城門個d比較簡單唔算啦. 兩個小人初次行山的路段就已經被孖爸安排行昂平平原, 一齊來個新春行大運！ 

話哂新正頭, 先祝大家新春登山，事事順利，所有事業，興趣都會在今年登上高峰，豐盛年年!

孖寶正式第一次行山，孖爸選擇讓他們向難度挑戰!

孩子們大可以選擇; 扭抱/不行/要求離開/哭鬧 

他們偏偏作出另一選擇: 繼續愉快地登山。

努力地一小步一小步登上山頂 ，看到他們享受過程，會欣賞沿途風光，忠於自己選擇。我莫名的感動著。

沿途很多人給予他們鼓勵，讚美，加油打氣。孩子還用餘力以「恭喜」回應。沿路很多小童、成人都說辛苦的路段。孩子們卻以從容、堅持應對。

90 分鐘登上山頂。他們沒有我所預期的任何困難出現，整個過程只有聽到他們歌聲及歡笑聲，而我一直在回心微笑。

講返馬鞍山昂平平原路段一些資訊比大家知, 今次孖寶欣賞到西貢無敵海景.我地由碎石路的大空地開始向上行.

一路向前走，我就開始見到溪流, 聽到流水聲, 望上去溪流兩旁, 只係見到好多石級. 我當下已經開始有點擔心, 這麼多形狀不規則的石級2歲多的小朋友可以應付得來嗎? 

但係我沒有作聲, 因為我相信孖爸, 他帶得我們來自然有他的道理, 而且我本身亦唔係埋怨型. 所以只係提大家都要小心, 自己開始加倍小心留意路面一切狀況. 

之後到了過溪石橋後，便正式上山，登山徑大部分為石級，少部分為泥路，一直向上行。我地當然有比2個小人仔行下抖下, 坐在一旁的大石休息下, 我無刻意去數, 但我估可能around 700級以上的石級.

孖爸一直話好快會到分义路的涼亭, 之後就好快到山頂嘅啦, 而孖寶亦好努力, 一面唱著歌, 一面一步一步走上去, 看來擔心的就只有我一人. 

我地終於都到達涼亭呢，孖爸話最難的路段已經過咗啦, 我回頭一望原來2個小人靠自己的努力已經登上700多級的石級. 

之後仲有around 15-20分鐘左右的路程，呢段其實好好行, 因為路勢平坦, 佢地比起之前的石級, 感覺輕鬆了很多. 當然孖爸亦有不斷的提大家, 很快很快就到啦. 再加上一直在路上, 斬有很多人都對孖寶作出鼓勵話: BB好利害呀, 加油加油!

提提大家, 路上亦會有牛牛出現架!

昂平平原係我第一次行的路段, 登上山頂真係令人豁然開朗, 望落去應該是西貢，萬宜水庫都可以睇到. 孖爸話佢之前來的時候, 好多人係度玩滑翔傘的呀, 佢話北面就會見到大金鐘. 

我地都有係度小野餐，我一面欣賞藍天白雲，一面欣賞孩子, 可以一起回歸大自然, 享受大自然的美麗景緻。內心滿滿感動見到你們快樂, 我就快樂了. 

他們因到達山頂而開心的一刻的畫面，烙印了在我記憶中，看著孩子的從容、堅持, 我內心安慰，滿足。孩子們, 謝謝你倆又給我上了寶貴的一課. 

如何過生活，選擇什麼態度去應對一切，其實係有得揀。

快樂和滿滿的正能量送給大家！

Happy Year of Dog

天氣清爽，大家不妨趁假期，去昂平平原放下電。

我和孖寶的Facebook Page: 荔枝與孖寶