活動簡介

深受家庭歡迎嘅「親子Free Fun Day」又嚟喇！4月14日（星期日）青年會將會喺烏溪沙青年新村會提供一系列新奇、好玩、益智、刺激嘅活動俾大家參與，歡迎一家大細嚟玩到盡興！精彩活動包括：

新奇─全球首個「青年會真人大富翁」
超巨型獨一無二嘅大富翁，以真人作棋子，一家大細一齊接受不同類型嘅挑戰，集智力、體力、腦力、親子合作於一身，一齊認識青年會不同嘅服務。

好玩─復活節特備節目
復活節就快到喇，我哋準備咗好玩刺激嘅「蛋碌碌大賽」、Check Point挑戰遊戲「尋寶Seek Egg」，以及親子手工製作「彩蛋DIY」。

益智─星級講座「情緒難自制」
正生書院陳兆焯校長同一眾父母親身到場分享如何處理自己同埋子女情緒嘅心得。名額有限，參加者須於報名參加「親子Free Fun Day」網上報名表格內同時報名留座。

刺激─精彩營地體驗
場內特設充氣彈床、平衡車、彩虹傘、巨形積木、露營體驗、KinBall，任你玩個夠！同場仲有適合緊張刺激嘅Nurf Gun大戰、繩網陣、旋風球等等，講都講唔晒呀！

好食─得意造型即製棉花糖派送

詳情及報名：活動網址

所有資料以主辦單位最新公告為準，敬請留意。