11月LOCOLOCO又返嚟帶大家玩轉D2 Place一期同二期喇！今次市集將會以色彩繽紛的氣球作主打佈置，配合其他色彩元素，如七彩爆谷、創意氣球工作坊等等，現場亦會有大型氣球裝置以供拍照，希望今次市集可以帶到七彩夢幻嘅派對氣氛比大家啦！
市集會玩轉一期同二期，過百檔手作及設計小店等住大家嚟行！活動現場將會有大型氣球佈景板、爆谷氣球拱門同各種特色氣球，非常適合拍照留念！行街影相仲未夠，咁亦都可以玩埋氣球工作坊，盡情發揮創意，連小朋友亦都啱玩㗎！
過百小店 手作創意
今次市集D2 Place一期同二期都會搵到手作及設計攤檔，加埋有成過百檔，相信實會搵到啱你嘅野！現場除咗店主們充滿心思嘅手作作品外，更加會有唔同色彩嘅主題產品，例如「Hottestloveshop」用心去製作嘅布藝、「Yumuhk玉木香港」創新設計嘅劍球、「紫蝶花工藝社」充滿少女感嘅飾物、「Hannah Huang Jewelry」突顯手作溫度嘅作品、「Travis Leather Workshop」手工染皮及全人手製造嘅皮革作品等等！各式各樣精心設計，非常值得你過嚟慢慢睇慢慢選擇！
開心滿FUN 創意氣球工作坊
除咗可以行街買野，今次LOCOLOCO市集仲設有兩個充滿創意嘅氣球工作坊，男女老幼都啱玩㗎！第一個工作坊係「氣球繪畫動物工作坊」，參加者可以自由發揮，用現場提供嘅物料將氣球加工，鍾意拼拼貼貼又得，用筆繪畫都得，一齊燃燒小宇宙啦！而另一個就係「扭氣球工作坊」，參加者將會根據簡單易明嘅指示學習自製指定款式嘅動物扭氣球，可以學到新絕技之餘又可以帶走得意動物扭氣球，一舉兩得！想參加工作坊，辦法好簡單，只要去齊D2 Place一期及二期市集集齊2個印章，並在市集內有任何消費，就可以二選其一參與工作坊！
大型氣球裝置 氣球大放送
活動現場將會擺設「大型氣球佈景板」，供人免費任拍任影，如果想喺充滿夢幻感覺的七彩糖果色氣球背景前影返張靚相打卡搶讚，就千萬唔可以錯過喇！另外，現場亦都有氣球爆谷拱門同一大堆特色氣球可以拎嚟影相，到時要諗用邊樣影相都幾煩惱！為咗大家可以嚟LOCOLOCO可以玩得開開心心，只要你嚟到市集現場並讚好LOCOLOCO Facebook專頁，就可以得到活動專用特色氣球！最後，如果大家行到耐想搵野咬吓，亦都可以去買特色七彩爆谷食吓㗎！加加埋埋，今次市集有得買、有得影相、又有得玩，你點可以錯過呢？
-------------------------------------------------------------------
LOCOLOCO －《七彩氣球派對市集》
日期：11月11日&11月12日（星期六、日）
時間：下午1時－晚上8時
地點：荔枝角長義街9號 D2 Place ONE 2/F The Space & 長順街15號 D2 Place TWO 2/F The Labs
．關於LOCOLOCO
LOCOLOCO 取名於 Local (本地) 或 Local Square (本地的廣場)，
是一個支持本地手作、藝術、創作的平台，致力推廣創意文化。
於不同地方舉行市集、工作坊及與其他機構合辦各種文創活動，亦與多個獨立手作品牌合作。
所有資料以主辦單位最新公告為準，敬請留意。
所有資料以主辦單位最新公告為準，敬請留意。
