嚟到大阪嘅第二日，天氣晴朗。今日我哋會去大阪城、大阪城公園、Kids Plaza 及扇町公園。睇落景點好多，但其實全部都係喺附近。加上我哋係自駕遊關係，小朋友都可以喺車上好好休息。

首先我哋帶小朋友去咗大阪城公園玩，公園旁邊有個停車場正好俾我哋泊低架車去公園玩，玩完再上大阪城。

日本嘅公園真心超級大!!! 滑梯都係超級長!!! 攀爬類嘅力量型遊戲都有好多類型!!

同埋唔知大家有冇留意，日本公園好多都係沙地為主。所以日本小朋友，係唔需要去沙灘都可以玩到沙。

呢條長滑梯，肉眼睇大概有一層樓咁高開始瀡落嚟。佢係以前香港人稱碌碌瀡滑梯嘅超長版，如果加塊紙皮瀡應該仲快呀!!! (哈)

除咗呢條長到喊嘅碌碌瀡滑梯之外，仲有幾條鐵皮滑梯。

俾小朋友放完電之後，我哋就準備前往大阪城啦!!!

如果唔想步行上去大阪城嘅話，而家亦可以乘搭付費嘅觀光車，觀光車外型好似一架小火車咁，真係好吸引呢。

帶住2個豆釘，1個BB嘅我哋當然就係搭觀光車上去啦~總站可以去到大阪城附近落。

車費：

沿途都有唔少風景睇，有啲風，好涼好舒服呀。我哋早咗一個站落車，步行上去大阪城。

大阪城遇上了天空之鏡嘅畫面，真係景色如畫般美!!

唔去過大阪城，又點可以同人講我嚟過大阪呢!!

真係好壯觀，真係好大好霸氣!!! 周邊有唔少日本學生正在寫生畫畫，仲畫得好靚添呀!!

大阪城周邊都有唔少好靚嘅景色，值得我影相留念。

金金都話要打卡影返張相留念呀。

去完大阪城影相打卡之後，又等觀光車返回起點了。

玩完大阪城景點後，兩位小朋友又歸位，非常興奮地期待下一個行程，午餐後再戰Kids Plaza及旁邊嘅扇町公園。

兩位超開心、超興奮嘅小朋友。