專題
【限時活動】淘大商場 x 百田遊園 「萬聖節充氣嘩鬼樂園」 放電充氣大彈床
前排嚟到淘大商場，就已經見到但 「萬聖節充氣嘩鬼樂園」活動。
但當時係晚飯時間，見到想玩但又無時間玩。
終於趁住平日收工飯前嘅時間嚟到(大概7pm前)，人流唔算好多，可能食飯時間啦。
放完電，就馬上去食飯啦~~
結果和牛B比平時食得更加多，同埋食得更加叻~
魔間玄幻屋
係一個小朋友嘅充氣彈床冒險樂園，入面有6個關卡。根據網站介紹，原來係咁玩嘅;
『參加者先騎著充氣戰馬，在限定時間內跳過第一關「火玄門」，便可進入第二關「幻影梅花樁」，配以忍者般的靈活身手，避開重重障礙，再躍起跨過第三關「鬼谷石頭」；來到第四關「鬼谷懸崖」，參加者需爬上玄幻屋最高之處，與飄浮半空的巫師、幽靈、蝙蝠及南瓜正面交戰！鼓起勇氣，躍下鬼谷懸崖在第五關「流沙區」，保持平衡是這一關的致勝之術。最後，帶著信心，向前衝過第六關「妖怪樹林」，便可完成挑戰！』
**資料來源自Timable
充氣戰馬~哈哈~超搞笑呀!! 有馬仔、小蜜蜂?、河馬仔~
進入「火玄門」，就見到「幻影梅花樁」。
「鬼谷石頭」，絕對係訓練小朋友嘅手腳肌肉嘅大好時候~
然後就來到「鬼谷懸崖」，和牛B登上「鬼谷懸崖」都花咗唔少力氣先上到去。
此遊戲區稱為「流沙區」，不過和牛B絕對少理，喺呢到跳呀跳~放咗唔少電。
所以，影唔到相呀~哈哈~
最後就來到最後嘅關卡「妖怪樹林」，有冇俾個名嚇親呢?
但係對於小朋友嚟講，一定無難度啦~~
對和牛B嚟講，輕而易舉啦~
充氣床彈內有唔少障礙物，小朋友玩得超開心，因為可以捐來捐去。
巨型南瓜地鼠陣
根據網站介紹，原來係咁玩嘅;
『巨型南瓜地鼠陣逾四米，入面有六個「地洞」，扮演地鼠的玩家穿梭地洞之間，既要避開獵人的攻擊，又要從獵人身旁偷取糖果，絕對緊張又刺激。在指定時間內抓得最多糖果的玩家為之勝出。至於扮演獵人的玩家則會站在地鼠陣的中央，手持充氣膠鎚，追擊頑皮小地鼠，考驗集中力及反應。每次遊戲參加者都有機會扮演地鼠、獵人，共要完成遊戲即可獲哈囉喂系列精美糖果作紀念，一次過滿足三重願望！』
**資料來源自Timable
由於我哋玩完「魔間玄幻屋」，和牛B已經放咗好多電，佢覺得好攰，又到晚飯時間。
所以，我哋最後都無去到南瓜地鼠陣玩了。
相信小朋友會玩得幾開心同幾放電，因為小朋友可以玩伏匿匿，唔俾大人捉。
入場費:
魔間玄幻屋:
會員價$40; 非會員$50/20分鐘
南瓜地鼠陣:
會員價$30; 非會員$40/5分鐘
【淘大商場 x 百田遊園 「萬聖節充氣嘩鬼樂園」】
活動日期: 2018年9月28日 ‑ 10月31日
活動時間: 11am - 9pm
活動地點: 淘大商場二期一樓
淘大商場@九龍灣
地址: 九龍灣牛頭角道77號淘大商場
--------------------------------------------------
歡迎聯絡我&和牛B: [email protected]
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
其他專題
人氣專題
專題標籤
